Enténdese como persoa voluntaria a persoa física que, en virtude da súa decisión persoal, libre e altruísta, participe en calquera actividade de acción voluntaria.
Faite voluntario/a
Para darte de alta na oficina municipal de voluntariado é recomendable que nos visites para poder coñecerte persoalmente.
Informarémoste, asesorarémoste e orientarémoste a través dunha entrevista persoal acerca das accións voluntarias existentes e que máis se adapten e orienten ao teu perfil e dispoñibilidade, segundo as demandas existentes na oficina por parte das entidades.
Acollida
Deberás cubrir: entrevista persoal, convenio de colaboración e seguro de responsabilidade civil.
Derivación
A derivación aos programas de acción voluntaria levarase a cabo segundo: a dispoñibilidade de acción, o perfil da persoa voluntaria e a demanda da persoa/entidade voluntariada.
Seguimento
A OMV acompañarache en todo momento, informándoche de todas as accións voluntarias que che poidan interesar, e levando a cabo un seguimento da túa acción voluntaria unha vez que formes parte dunha entidade.
Créanse espazos comúns onde as persoas voluntarias poidan compartir as súas experiencias, dúbidas e necesidades.
Antigos/as voluntarios/as
Actualización de datos das persoas voluntarias na Oficina Municipal de Voluntariado do Concello de Vigo